WSJ: iPhone 8 ច្បាស់ដូចថ្ងៃថា នឹងបង្ហាញខ្លួនផ្លូវការថ្ងៃ១២ កញ្ញាខាងមុខ អមដោយបច្ចេកវិទ្យាថ្មី ស្កេនមុខ 3D facing និង Wireless Charging មិនធ្លាប់មាន

ក្រុមហ៊ុន Apple ត្រូវគេរាយការណ៍មកថា នឹងប្រារព្ធធ្វើពិធីមួយនៅថ្ងៃទី១២ កញ្ញា គឺខែក្រោយនេះតែម្ដង សម្រាប់ប្រកាសផ្លូវការនូវកំពូលស្មាតហ្វូនជំនាន់ថ្មីរបស់ខ្លួន។ នេះបើផ្អែកតាមសេចក្ដីរាយការណ៍ចេញពីគេហទំព័រគួរឱ្យទុកចិត្តបាន Wall Street Journal។

ក្រុមហ៊ុនម្ចាស់ម៉ាកទូរស័ព្ទល្បីពេញពិភពលោកនេះ ត្រូវគេរំពឹងថា នឹងសម្ពោធ iPhone ស៊េរីថ្មីម្ដង ៣ម៉ូដែលព្រមគ្នាតែម្ដង មួយក្នុងចំណោមនោះនឹងជា iPhone 8 ក្រាលដោយកញ្ចក់ OLED display និងមានគែមអេក្រង់ស្ដើង edge-to-edge ព្រមទាំងបច្ចេកវិទ្យាស្កេនផ្ទៃមុខ 3D face scanning យ៉ាងទំនើបផ្ដល់សុវត្ថិភាពខ្ពស់។ ចំណែកពីរម៉ូដែលទៀតអាចជា iPhone 7 និង 7 Plus ដែលមានចចាមអារ៉ាមថា នឹងត្រូវធ្វើកំណែប្រែ ដោយបញ្ចូលលក្ខណៈសម្បត្តិថ្មីៗខ្ពស់ជាងជំនាន់ iPhone 7 និង 7 Plus បច្ចុប្បន្ន និងឌីហ្សាញខ្នងទូរស័ព្ទក្រាលដោយកញ្ចក់ សម្រាប់គាំទ្រមុខងារសាកថ្មឥតខ្សែ wireless charging។

យ៉ាងណា មកដល់ពេលនេះ ក្រុមហ៊ុន Apple មិនទាន់ចេញលិខិតអញ្ជើញសាធារណជនចូលរួមព្រឹត្តិការណ៍ខែកញ្ញានៅឡើយ ប៉ុន្តែគេព្យាករថា យ៉ាងណាគឺនៅចុងខែសីហា នឹងមានដំណឹងពីសេចក្ដីប្រកាសនេះមិនខាន៕

ប្រភព៖ thephnompenhtimes
ចុច Like ទំព័ររបស់ពួកយើងដើម្បីទទួលបាននូវអ្វីផ្សេងៗជាច្រើនទៀត