ក្រូចឆ្មារក្រឡុកអំបិលម្ទេសជួយសម្រកទម្ងន់បាន ហើយឆាប់ឃើញលទ្ធផល

ការរកឃើញផ្នែកសុខភាពនិងសម្រស់ជាច្រើនបានឱ្យដឹងថា ក្រូចឆ្មារពិតជាប្រយោជន៍ខ្លាំងក្នុងការជួយសម្រកទម្ងន់បាន ព្រោះអាស៊ីតដែលមានក្នុងក្រូចឆ្មារគឺជាសារធាតុសំខាន់ដែលអាចជួយដុតបំផ្លាញជាតិខ្លាញ់ក្នុងរាងកាយ ផ្ដល់ប្រូតេអ៊ីន និងកាបូហៃដ្រាត។

មានវិធីច្រើនដែលអាចទាញប្រយោជន៍ពីផ្លែក្រូចឆ្មារដោយមិនចាំបាច់ញ៉ាំវាផ្ទាល់ ដូចជា ការលាយជាមួយទឹកក្ដៅឧណ្ហៗដាក់អំបិលឡមៗ ហើយញ៉ាំរាល់ព្រឹក ឬលាយជាមួយទឹកបរិសុទ្ធធម្មតាក៏បាន។ ដោយឡែក បើអ្នកមិនចង់ញ៉ាំទឹកក្រូចឆ្មារលាយទឹកបែបនេះទេ អ្នកក៏អាចយកវាមកជាមួយអំបិលម្ទេសវិញក៏បាន។

ជាតិប្រេងដែលមាននៅជាប់សម្បក និងជាតិជូររបស់ក្រូចឆ្មារមានសមត្ថភាពជួយសម្រួលប្រព័ន្ធរំលាយអាហារនិងកាត់បន្ថយជាតិខ្លាញ់ បន្ថែមថាមពលដល់រាងកាយ និងធ្វើឱ្យរាងកាយអ្នកស្រកទម្ងន់បានរហ័ស។

ប៉ុន្តែចៀសវាងញ៉ាំអាហារសម្រន់ប្រភេទនេះមុនពេលបាយ ឬក្នុងពេលកំពុងឃ្លាន ឬសម្រាប់អ្នកមានជំងឺក្រពះពោះវៀន ព្រោះវាអាចធ្វើសរីរាង្គទាំងពីរនេះកាន់តែមានបញ្ហាឬរលាកកាន់តែខ្លាំង ដោយសារតែជាតិអាស៊ីតក្នុងផ្លែក្រូចឆ្មារ។ គួរញ៉ាំវាក្រោយពេលបាយរួចហោចណាស់៣០នាទី ហើយហាមអនុវត្តដាច់ខាត បើដឹងថាខ្លួនមានជំងឺក្រពះ៕

ប្រភព៖ kanha
ចុច Like ទំព័ររបស់ពួកយើងដើម្បីទទួលបាននូវអ្វីផ្សេងៗជាច្រើនទៀត