ទូរស័ព្ទ iPhone 8 និង iPhone 8 Plus របស់ Apple ពេលនេះមានលក់លើទីផ្សារ ដែលប្រិយមិត្តអាចរកទិញបានដោយសេរីហើយ។ លោកអ្នកប្រហែលបានឃើញរូបភាពមួយចំនួនស្ដីពីការដោះមើលគ្រឿងគ្រៅខាងក្នុងរបស់ស្មាតហ្វូនថ្មីនេះ ហើយក៏មានទាំងវីដេអូធ្វើតេស្តផងដែរ។ ចំណែកពេលនេះ វាជាវីដេអូបង្ហាញពីការបើកប្រអប់កំពូលទូរស័ព្ទនេះ ថាតើមានអ្វីខ្លះក្នុងនោះ។
នេះជាវីដេអូបង្ហាញពីការបើកប្រអប់ iPhone ថ្មីទាំងពីរម៉ូដែល គឺ iPhone 8 និង 8 Plus ដោយគណនី Marques Brownlee។ វាមិនខុសប្លែកពីការបើកប្រអប់ iPhone ជំនាន់មុនៗ នោះទេ ដោយនៅក្នុងប្រអប់ iPhone 8/ 8 Plus យើងសង្កេតឃើញមាន ទូរស័ព្ទ ១គ្រឿង ដុំសាក/ខ្សែសាកថ្ម និងកាស EarPod។
iPhone ជំនាន់ទី១០ នេះទទួលបានបច្ចុប្បន្នភាពខ្ពស់ជាង iPhone 7/ 7 Plus ហើយក្នុងនោះក៏មានការឌីហ្សាញផ្នែកក្រោយខុសពីមុន ដោយផលិតពីសារធាតុកញ្ចក់ សម្រាប់គាំទ្រមុខងារសាកថ្មឥតខ្សែ រួមជាមួយបន្ទះឈីបថ្មី A11 Bionic របស់ Apple ផងដែរ។
អ្នកអាចស្វែងយល់លក្ខណៈសម្បត្តិលំអិតលើ iPhone 8 និង iPhone 8 Plus ដោយចុចត្រង់តំណភ្ជាប់ Link នេះ។ តាមការបញ្ជាក់អំពីតម្លៃនៅលើ iPhone 8 គឺចាប់ពី ៦៩៩ដុល្លារ ចំណែក iPhone 8 Plus ចាប់ពី ៧៩៩ដុល្លារ។ ចំណែកតម្លៃ iPhone 8/ 8 Plus ក្នុងទីផ្សារកម្ពុជា ដែលទើបមកដល់ម្សិលមិញ ឃើញថា iPhone 8 64GB មានតម្លៃ ៩៤៩ដុល្លារ, iPhone 8 256GB តម្លៃ ១០៩៩ដុល្លារ ចំណែក iPhone 8 Plus 64GB តម្លៃ ១២២០ដុល្លារ ខណៈម៉ូដែល 256GB តម្លៃ ១២៤៩ដុល្លារ។ បញ្ជាក់៖ តម្លៃ iPhone ថ្មីនេះ អាចមានការប្រែប្រួល និងខុសគ្នា ទៅតាមហាងទូរស័ព្ទនីមួយៗ៕
ដោយ៖ TheSmey | ចុច៖ Like ទំព័ររបស់ពួកយើងដើម្បីទទួលបាននូវអ្វីដែលថ្មីៗជាច្រើនទៀត
ប្រភព៖ thephnompenhtimes
0 comments:
Post a Comment