បេក្ខជន ស គឹមស៊ា បេក្ខជននិទ្ទេស A បានលំដាប់ពិន្ទុ១០០ពេញ

រាជធានីភ្នំពេញ ៖ ការប្រឡងបាក់ឌុបឆ្នាំនេះ មានបេក្ខជនម្នាក់ឈ្មោះ ស គឹមស៊ា មកពីសាលាឯកជនមួយនៅទីក្រុងភ្នំពេញទទួលបាននិទ្ទេស A និងមានលំដាប់ពិន្ទុ១០០ពេញតែម្តង ក្នុងនោះទទួលបាននិទ្ទេស A លើមុខវិជ្ជា ខ្មែរ គណិតវិទ្យា ជីវៈវិទ្យា គីមី ភាសាបរទេស និងរូបវិទ្យា និងបាននិទ្ទេស B លើមុខវិទ្យាប្រវត្តិ។ សូមជម្រាប់ថា បេក្ខជនប្រឡងបាក់ឌុបនៅឆ្នាំ២០១៧នេះ ទទួលបាននិទ្ទេស A មានចំនួន៤២៤នាក់ ខណៈឆ្នាំមុនមានសិស្សនិទ្ទេស A ចំនួន៤០៥នាក់។ ចំណែកសិស្សដែលទទួលបាននិទ្ទេស A ច្រើនជាគេគឺនៅភ្នំពេញមានចំនួន១៩៤នាក់ និងតាមពីក្រោយដោយខេត្តសៀមរាបមានចំនួន៤៧នាក់៕