តោះមកទស្សនា Video បង្អួតមុខងារលេចធ្លោជាងគេ ៨ចំណុចនៅលើ iPhone 8 / 8 Plus បង្ហាញដោយផ្ទាល់ពី Apple !

អាចនិយាយបានថា ឆ្នាំនេះ កាន់តែពិសេសជាងមុន ក្នុងសករាជស្មាតហ្វូនត្រកូល iPhone របស់ Apple ដែល ២០១៧ នេះ ក្រុមហ៊ុនបច្ចេកវិទ្យាអាមេរិកនេះ បញ្ចេញ iPhone ជំនាន់ថ្មីម្ដងដល់ទៅ ៣ម៉ូដែលដំណាលគ្នា។ ទោះបី iPhone 8 និង 8 Plus មិនទាន់ទំនើបដល់ iPhone X ប៉ុន្តែស្មាតហ្វូនទាំង៣ សុទ្ធតែបានបំពាក់មកជាមួយឈីបជំនាន់ថ្មី Apple A11 BIONIC ដែលមានល្បឿនលឿនជាងមុន ២៥% ប្រៀបធៀបនឹងឈីប A10។ នេះបើតាមការអះអាងពីក្រុមហ៊ុន Apple ផ្ទាល់។

ម្យ៉ាងវិញទៀត ត្បិត iPhone 8 និង 8 Plus មិនមានមុខងារស្កេនមុខ FaceID ក៏ដោយប៉ុន្តែ នៅមានចំណុចពិសេសផ្សេងទៀត ដែល Apple បានសម្រិតសម្រាំងវាឱ្យមានលក្ខណៈដូចគ្នា មានដូចជា រចនាបថខ្នងទូរស័ព្ទផលិតពីសារធាតុកញ្ចក់ មុខងារថតរូប Portrait Lighting នៅលើ iPhone 8 Plus បច្ចេកវិទ្យាសាកថ្មឥតខ្សែ Wireless Charging កាមេរ៉ាល្អជាងមុន មុខងារមិនជ្រាបទឹក និងបច្ចេកវិទ្យា Augmented reality (AI) ជាដើម។ iPhone 8 ទាំងពីរ បំពាក់ដោយអេក្រង់ថ្មី New Retina HD។ ដើម្បីអន្ទងចិត្តសាធារណជន Apple បានបញ្ចេញវីដេអូ បង្ហាញត្រួសៗអំពីមុខងារ ក៏ដូចជាបច្ចេកវិទ្យាទំនើបលេចធ្លោ មាននៅលើស៊េរីទូរស័ព្ទ iPhone 8 របស់ខ្លួន ដែលប្រិយមិត្តអាចទស្សនានៅក្នុងវីដេអូខាងក្រោម៖

១) រចនាបថថ្មីលើផ្នែកក្រោយទូរស័ព្ទ ដោយផលិតពីកញ្ចក់រឹងមាំ
២) មុខងារកាមេរ៉ា Portrait Lighting
៣) សាកថ្មមិនប្រើខ្សែ Wireless Charging
៤) ប្រើឈីបដែលមានសមត្ថភាព និងឆ្លាតវៃបំផុត Apple A11 Bionic
៥) កាមេរ៉ាដ៏មានសមត្ថភាព មានប្រជាប្រិយភាពបំផុតលើលោក
៦)ស្តង់ដារមិនជ្រាបទឹក IP67 water និង dust resistant ក្រោមស្តង់ដារ IEC standard 60529
៧) អេក្រង់ថ្មី New Retina HD display
៨) បច្ចេកវិទ្យាបម្លែងទិដ្ឋភាពដូចក្នុងពិភពពិតជាក់ស្ដែង Augmented reality។

ដោយ៖ TheSmey | ចុច៖ Like ទំព័ររបស់ពួកយើងដើម្បីទទួលបាននូវអ្វីដែលថ្មីៗជាច្រើនទៀត
ប្រភព៖ thephnompenhtimes