៤យ៉ាងដែលអ្នកមិនគួរធ្វើនៅលើ Facebook ពេលមានស្នេហា!

បច្ចុប្បន្ន មនុស្សជាច្រើនបានយក Facebook ជាកន្លែងចែករំលែករឿងផ្ទាល់ខ្លួនក៏ដូចជាបង្ហាញក្ដីស្រឡាញ់ផងដែរ។ ទោះបីជាយ៉ាងនេះក្ដី អ្នកពុំគួរបណ្ដោយខ្លួនឲ្យរស់នៅក្នុងប្រព័ន្ធ Online ជាជាងជីវិតពិតនោះឡើយ ពិសេសសម្រាប់ជីវិតស្នេហា។ ទាំងនេះជារឿងមួយចំនួនដែលនារីមិនគួរធ្វើនៅលើ Facebookក្នុងពេលមានទំនាក់ទំនងស្នេហាឡើយ៖

១. កុំឲ្យ Facebookក្លាយជាកន្លែងសំខាន់សម្រាប់ស្នេហារបស់អ្នក ៖
មនុស្សមួយចំនួនបានបង្ហាញពីក្ដីស្រឡាញ់របស់ពួកគេជាជាងក្នុងតថភាពពិត។ពួកគេបានបង្ហោះរូបភាពផ្អែមល្ហែមរបស់ពួកគេនៅលើFacebook ទាំងការពិតវាខុសស្រឡះពីការរស់នៅជាក់ស្ដែង។អ្នកគួរតែបង្កើតក្ដីស្រឡាញ់ឲ្យមានពិតប្រាកដជាជាងធ្វើរឿងដែលគ្រាន់តែចង់ឲ្យអ្នកដទៃសរសើរ។

រូបតំណាង

២. កុំតាមដានដៃគូរបស់អ្នកដោយប្រើប្រាស់Facebook ៖
ការតាមដានគឺជារឿងមួយដែលអ្នកមិនគួរធ្វើព្រោះវាអាចបំផ្លាញទំនាក់ទំនងរបស់អ្នកបាន។ គ្មាននរណាម្នាក់ចង់លាក់បាំងរឿងខ្លួនឯងដោយគ្មានមូលហេតុនោះទេ ដូច្នេះបើអ្នកចង់ដឹងរឿងអ្វីមួយអ្នកគួរតែសួរឬពិភាក្សាជាមួយគាត់ដោយផ្ទាល់ជាជាងតាមដានគាត់។

៣. កុំធ្វើជាមិត្តភក្តិ ឬ Chat ជាមួយ Ex តាម Facebook ៖
បើសិនអ្នកប្រាកដថាEXរបស់អ្នកជាមនុស្សល្អវាមិនជាបញ្ហានោះទេ តែយល់ល្អនោះអ្នកគួរតែកុំធ្វើជាមិត្តភក្តិ ឬ ជជែកនឹងEXរបស់អ្នកអី ព្រោះវាអាចធ្វើឲ្យអារម្មណ៍ពីមុនរបស់អ្នកកើតឡើងវិញ ហើយ វាអាចធ្វើឲ្យចំណងស្នេហារបស់អ្នកជាមួយនឹងអ្នកក្រោយមានបញ្ហាផងដែរ។ អ្នកគួរតែចាត់ទុក EXជាអតីតកាល មិនមែនមនុស្សសម្រាប់អនាគតនោះទេ។

៤. កុំបង្ហាញពីជម្លោះរបស់អ្នកតាម Facebook ៖
វាមិនមែនជាការល្អនោះទេនៅពេលដែលអ្នកមានបញ្ហាជាមួយដៃគូហើយចែករំលែកវាទៅក្នុង Facebook នោះព្រោះអាចធ្វើឲ្យអ្នកដែលមិនចូលចិត្តអ្នកសើចចំអកថែម។ វិធីល្អអ្នកគួរតែនិយាយ ឬដោះស្រាយគ្នាជាមួយដៃគូអ្នកដោយផ្ទាល់។

រូបតំណាង

ជារួមអ្នកគួរតែដឹងថាអ្វីដែលគួរធ្វើ និងអ្វីដែលមិនគួរធ្វើលើ Facebook ព្រោះវាអាចធ្វើឲ្យអ្នកមានបញ្ហាក៏ថាបាន ជាពិសេសនោះគឺក្នុងសម្ព័ន្ធភាពស្នេហាតែម្ដង គឺអ្នករឹតតែពុំគួរឲ្យ Facebookមកបំផ្លាញអ្វីដែលអ្នកខំសាងមកនោះទេ។

ដោយ៖ TheSmey | ចុច៖ Like ទំព័ររបស់ពួកយើងដើម្បីទទួលបាននូវអ្វីដែលថ្មីៗជាច្រើនទៀត
ប្រភព៖ kanha