ពេលទាំង៥ដែលអ្នកមិនគួរផឹកទឹក ព្រោះអាចមានគ្រោះថ្នាក់ដល់សុខភាព

បើទោះបីជាការផឹកទឹកមានសារប្រយោជន៍ដល់សុខភាពក៏ដោយ តែបើផឹកខុសកាលៈទេសៈវិញ គឺអាចមានគ្រោះថ្នាក់ដែលមិនអាចស្មានបាន។ ខាងក្រោមនេះគឺជាកាលៈទេសៈទាំង៥ដែលអ្នកត្រូវជៀសវាងការផឹកទឹកឲ្យទាល់តែបាន បើមិនចង់មានវិប្បដិសារីទេនោះ។

១. ពេលដែលបានផឹកទឹកច្រើនពេកហើយ៖
ផឹកទឹកច្រើនពេកនឹងធ្វើឲ្យអត្រាអំបិលក្នុងរាងកាយក្លាយជារាវ នោះនឹងធ្វើឲ្យសារជាតិ natri នៅក្នុងឈាមធ្លាក់ចុះដែរ។ នៅពេលអាការៈនេះកើតឡើង នឹងបង្កឲ្យមានការក្អួតចង្អោរ ប្រកាច់ និងអាចឈានទៅដល់ការស្លាប់ទៀតផង។

២. នៅពេលទឹកនោមមានសភាពថ្លា៖
បំភ្លេចច្បាប់ផឹកទឹកមួយថ្ងៃ៨កែវទៅ តែត្រូវពណ៌ទឹកនោមវិញថាតើអ្នកផឹកទឹកគ្រប់គ្រាន់ហើយឬនៅវិញ។ នៅពេលទឹកនោមមានពណ៌លឿងស្ដើង នោះបង្ហាញឲ្យឃើញថាអ្នកផឹកទឹកគ្រប់គ្រាន់ហើយ។ ប្រសិនបើទឹកនោមមានពណ៌លឿងខ្លាំងត្រូវផឹកទឹកភ្លាម។ ឯពេលទឹកនោមមានពណ៌ថ្លាឈ្វេងគឺជាសញ្ញាបង្ហាញឲ្យឃើញថាគួរផ្អាកផឹកទឹកសិន។

៣. ពេលហាត់ប្រាណហត់ខ្លាំង៖
នៅពេលហាត់ប្រាណ រាងកាយនឹងបាត់បង់ថាមពលតាមរយៈការបែកញើស។ នៅពេលនេះអ្វីដែលរាងកាយត្រូវការគឺប្រូតេអ៊ីនដើម្បីបំពេញកម្លាំងមកវិញ។ ដោយសារតែទឹកគ្មានជីវជាតិបំប៉នអ្វីទាំងអស់នោះ ដូចនេះមិនគួរបញ្ចូលទឹកនៅពេលនេះដែរ។ បើអាច អ្នកគួរជំនួសទឹកធម្មតាដោយទឹកដូង ព្រោះវាមានទាំងជាតិម៉ាញេសូម ហ្វាយប៊ើ សូដ្យូម ប៉ូតាស្យូម និងវីតាមីន C។

៤. ពេលញ៉ាំច្រើន៖
មនុស្សមួយចំនួនដោយសារតែចង់ញ៉ាំតិចក៏ប្រឹងផឹកទឹកច្រើនមុនពេលញ៉ាំ។ តែអ្នកវិទ្យាសាស្ត្រមិនគាំទ្រវិធីនេះឡើយ។ ផឹកទឹកដើម្បីញ៉ាំតិចគឺមិនល្អសម្រាប់សុខភាពឡើយ ព្រោះរាងកាយមិនទទួលបានគ្រប់សារជាតិចិញ្ចឹម។

៥. ផឹកទឹកភ្លាមក្រោយពេលញ៉ាំ៖
អ្នកវិទ្យាសាស្ត្រណែនាំឲ្យផឹកទឹកក្រោយពេលញ៉ាំអាហារ៣០នាទី។ ព្រោះផឹកទឹកក្រោយពេលញ៉ាំភ្លាមនឹងធ្វើជីវជាតិក្លាយជារាវ និងបញ្ចុះអត្រាអង់ហ្សីមនៃប្រព័ន្ធរំលាយអាហារ៕

ដោយ៖ TheSmey | ចុច៖ Like ទំព័ររបស់ពួកយើងដើម្បីទទួលបាននូវអ្វីដែលថ្មីៗជាច្រើនទៀត
ប្រភព៖ kanha