ក្រុមហ៊ុន Apple ទើបតែបានចេញលក់ iPhone 8 និង iPhone 8 Plus កាលពីពេលថ្មីៗ។ យើងបានឃើញវីដេអូមួយចំនួន ស្ដីអំពីការធ្វើតេស្តលើភាពធន់ទ្រាំរបស់វា ក៏ដូចជាការឆែកមើលលក្ខណៈសម្បត្តិតាមវិធីសាស្ត្រ benchmarks។ ឥឡូវនេះ មានវីដេអូ ប្រកួតល្បឿនទូរស័ព្ទកំពូលពីរម៉ូដែល គឺ iPhone 8 Plus និង Galaxy Note 8។ តើរវាងស្មាតហ្វូនកំពូលទាំងពីរ មួយណាដំណើរការលឿនជាង មួយណា? តោះទៅទស្សនាវីដេអូធ្វើតេស្តខាងក្រោម៖
វីដេអូធ្វើតេស្តល្បឿនទូរស័ព្ទទំនើបទាំងពីរ គឺបង្ហោះដោយគណនី YouTube មួយឈ្មោះ SuperSaf TV។ វាគួរឱ្យចាប់អារម្មណ៍ ដែលនេះជាវីដេអូស្ដីពីការប្រៀបធៀបល្បឿនដំណើរការរបស់ស្មាតហ្វូនខ្លាំងពីរម៉ូដែល។ ដូចប្រិយមិត្តបានឃើញការប្រៀបធៀបក្នុងវីដេអូ គឺបានបង្ហាញឱ្យឃើញ iPhone 8 Plus ដំណើរការបានលឿនជាង Galaxy Note 8 នៅក្នុងការធ្វើតេស្តលើ app មួយចំនួន តែយើងក៏ឃើញកម្មវិធីខ្លះ Note 8 បើកដំណើរការបានលឿនជាង iPhone 8 Plus ដែរ។
មានមតិខ្លះលើកឡើងទៅលើលទ្ធផលធ្វើតេស្តនេះថា សម្រាប់ការបើកកម្មវិធីធម្មតា ឬកម្មវិធីដំឡើងស្រាប់នៅលើស្មាតហ្វូន គឺ Galaxy Note 8 មានប្រៀបជាង iPhone 8 Plus តែសម្រាប់ការបើកហ្គេមវិញ iPhone 8 Plus មានប្រៀបជាង Galaxy Note 8 វិញ។ យ៉ាងណា ចំពោះផ្នែកគ្រប់គ្រងមេម៉ូរី memory management គឺ Note 8 ល្អជាង iPhone 8 Plus។ ថ្វីត្បិតដូច្នេះ តែការធ្វើតេស្តគឺបានបង្ហាញយ៉ាងច្បាស់ថា ស្មាតហ្វូនទាំងពីរម៉ូដែល សុទ្ធតែដំណើរការបានយ៉ាងលឿន អាចស៊ីសងគ្នាបាន។
គួរឱ្យដឹងថា តាមការធ្វើតេស្ត និងដាក់ពិន្ទុដោយ Geekbecnh 4 របស់ក្រុមការងារ Tom's Guide ថ្មីៗនេះ បង្ហាញថា iPhone 8 / 8 Plus មានល្បឿនលឿនជាងស្មាតហ្វូនល្បីៗមួយចំនួន ក្នុងនោះ លឿនជាងទាំង Galaxy Note 8, OnePlus 5 និងលឿនជាងកុំព្យូទ័រ MacBook Pro 13-inch (Core i5) និង Dell XPS 13 ទៅទៀត។ សូមមើលលទ្ធផលដាក់ពិន្ទុក្នុងតារាងខាងក្រោម៖
ដោយ៖ TheSmey | ចុច៖ Like ទំព័ររបស់ពួកយើងដើម្បីទទួលបាននូវអ្វីដែលថ្មីៗជាច្រើនទៀត
ប្រភព៖ thephnompenhtimes
0 comments:
Post a Comment