តោះមកប្រៀបធៀបលក្ខណៈសម្បត្តិត្រកូល iPhone សុទ្ធ ៥ម៉ូដែលចុងក្រោយ iPhone X, iPhone 8/8 Plus, iPhone 7/7 Plus តើខុសគ្នាដូចម្ដេចខ្លះ ?

បន្ទាប់ព័ត៌មានចចាមអារ៉ាម និងការលេចចេញរូបរាង កំពូលទូរស័ព្ទ Premium iPhone (iPhone X) ជាច្រើនខែកន្លងមក ទីបំផុត Apple បានសម្ពោធផ្លូវការហើយ គឺនៅស្នាក់ការថ្មី Apple Park ក្នុងក្រុង Cupertino រដ្ឋកាលីហ្វ័រញ៉ា ទាំងអស់ ៣ម៉ូដែលគឺ iPhone 8, iPhone 8 Plus និង iPhone X (អានថា iPhone 10)។ សមិទ្ធផលថ្មីទាំង៣ នេះ គឺមានលក្ខណៈសម្បត្តិស្រដៀងគ្នា ហើយដំណើរការដោយ iOS 11 និងមានបច្ចេកវិទ្យាសាកថ្មឥតខ្សែ wireless charging ដូចគ្នា។

ប៉ុន្តែ Apple បានសម្រិតសម្រាំងលក្ខណៈសម្បត្តិខ្ពស់ជាងគេបន្តិចទៅលើ iPhone X ហើយតម្លៃក៏ថ្លៃជាងគេផងដែរ។ ជាក់ស្ដែង iPhone X គ្មានប៊ូតុង Home ទេ ដោយជំនួសមកវិញនូវ Face ID ដែលជាបច្ចេកវិទ្យាចុងក្រោយរបស់ Apple អាចស្កេនផ្ទៃមុខដើម្បីដោះសោបានយ៉ាងងាយស្រួល និងមានសុវត្ថិភាពជាងស្កេនក្រយៅដៃ Touch ID។ តើក្រៅពីចំណុចនេះ តើនៅមានអ្វីខ្លះទៀតដែលខុសគ្នា ដែល iPhone 10 ទំនើបជាង iPhone 8 និង 8 Plus ក៏ដូចជា ប្រៀបធៀបនឹង iPhone 7 និង 7 Plus តើខុសគ្នាដូចម្ដេច? ខាងក្រោមនេះ ជាតារាងប្រៀបធៀបលក្ខណៈ សម្បត្តិរវាង iPhone ទាំង ៥ម៉ូដែល ៖