Google ក្រៅពីបញ្ចេញ Pixel 2 ផ្លូវការ ក៏នៅមាន កាមេរ៉ាចេញថ្មី Google Clips ដ៏ទំនើប តូចច្រឡឹងតម្លៃ $២៤៩ ថែមទៀត (Video)

យើងបានឃើញ ផលិតផលចេញថ្មីជាច្រើនរបស់ Google រួចមកហើយ ហើយនេះជា កាមេរ៉ាជំនាន់ថ្មីមួយទៀត ដែលមានឈ្មោះ Google Clips។ វាត្រូវបានឌីហ្សាញ មានទម្ងន់យ៉ាងស្រាល ងាយស្រួលកាន់ប្រើ និងយកតាមខ្លួន ជាមួយរូបរាង បួនជ្រុង តូចច្រឡឹង តែជាកាមេរ៉ាមានសមត្ថភាពមួយ អមជាមួយមុខងារឆ្លាតវៃ (machine learning)។

នៅពេលកាមេរ៉ាបានបើកឡើង គឺជាពេលដែលអ្នកអាចផ្ដិតយកទិដ្ឋភាពដ៏ស្រស់ត្រកាល និងទិដ្ឋភាពដែលសំខាន់ចំពោះអ្នកនៅជុំវិញខ្លួន។ ថ្ងៃនេះ ក្រុមហ៊ុន Google បានណែនាំកាមេរ៉ាជំនាន់ថ្មី Google Clips មានទម្ងន់ស្រាល ងាយស្រួលកាន់ថត ដែលអាចជួយអ្នក ក្នុងការចម្លងទិដ្ឋភាពពិសេសៗដែលគួរចងចាំ ដោយការកត់ត្រាជាមួយកាមេរ៉ាតូចច្រឡឹងនេះ។

ការប្រើប្រាស់កាមេរ៉ា Google Clips នេះគឺមានលក្ខណៈសាមញ្ញ និងងាយស្រួល។ អ្នកអាចដាក់វានៅលើតុចោល ដើម្បីថតសកម្មភាពកូនៗរបស់អ្នកដែលស្ថិតនៅជុំវិញ ឬថ្ពក់វាទៅនឹងកៅអី ដើម្បីថត សត្វចិញ្ចឹមរបស់អ្នកដែលកំពុងលេងជាមួយវត្ថុចំណូលរបស់ពួកគេ បានយ៉ាងច្បាស់។ នៅលើកាមេរ៉ានេះ បានភ្ជាប់នូវប៊ូតុង shutter មួយ និងប៊ូតុងមួយផ្សេងទៀត សម្រាប់បញ្ជាប្រើមុខងារផ្សេងៗ ក៏ដូចជាមានទំនាក់ទំនងជាមួយកម្មវិធី app ដូច្នេះអ្នកអាចផ្ដិតយកទិដ្ឋភាព ឬកម្មបទ ឬអ្វីក៏ដោយ ដែលស្ថិតនៅជុំវិញខ្លួនអ្នកបានងាយស្រួល។

អ្នកអាច export ឯកសារដែលអ្នកបានថត មិនថា ជា Videos, Photos ឬ GIFs នោះទេ។ វាប្រើបច្ចេកវិទ្យាកូល័រ two-tone white-and-teal color pairing ជាមួយកម្លាំងថ្ម អាចប្រើបានរយៈពេល ៣ម៉ោង។ កាមេរ៉ានៅលើ Google Clips មានទំហំ 12MP អមជាមួយលែន ១៣០ដឺក្រេ អាចផ្ដិតរូបនៅ 15fps ហើយមានអង្គចងចាំមកជាមួយស្រាប់ទំហំ 16GB។ បច្ចុប្បន្នកាមេរ៉ានេះ ស្គាល់តែជាមួយស្មាតហ្វូនស៊េរីខ្ពស់ៗមួយចំនួនប៉ុណ្ណោះដូចជា ទូរស័ព្ទ Pixel របស់ Google ផ្ទាល់ និង iPhone 8/ 8 Plus ក៏ដូចជា Galaxy S7 និង S8 ដែលយើងអាចធ្វើការផ្ទេរទិន្នន័យតាម Wi-Fi បាន។

កាមេរ៉ានេះ ដំណើរការជាមួយកម្មវិធី app ដែលនឹងមានឱ្យទាញយក ទាំងនៅលើ iOS និង Android។ កាមេរ៉ា Google Clips នឹងមានលក់លើទីផ្សារអាមេរិកឆាប់ៗខាងមុខ ជាមួយតម្លៃ ២៤៩ដុល្លារអាមេរិក។

ដោយ៖ TheSmey | ចុច៖ Like ទំព័ររបស់ពួកយើងដើម្បីទទួលបាននូវអ្វីដែលថ្មីៗជាច្រើនទៀត
ប្រភព៖ thephnompenhtimes