អត្ថប្រយោជន៍ជាច្រើនរបស់តែបៃតង ដែលស្រីៗមិនគួរមើលរំលង

តែបៃតងត្រូវបានទទួលស្គាល់ថាជាតែម្យ៉ាងដែលមានអត្ថប្រយោជន៍ជាច្រើន និងទទួលបានការទទួលទានយ៉ាងច្រើន ហើយទាំងនេះជាសារៈសំខាន់ដែលតែនេះបានផ្ដល់ឲ្យយើង៖

១. ស្រកទម្ងន់ ៖
តែបៃតងការរំលាយអាហារបានយ៉ាងល្អ ដែលអាចជួយដុតបំផ្លាញកាឡូរី និង សារជាតិខ្លាញ់ដែលមិនល្អពីក្នុងរាងកាយយើង។

២. ប្រឆាំងនឹងជំងឺទឹកនោមផ្អែម ៖
តែបៃតងជួយរក្សាកម្រិតជាតិស្ករ និង បញ្ចុះការកើនឡើងនៃជាតិស្ករក្នុងឈាមក្រោយពេលដែលយើងទទួលទាន។ លើសពីនេះវាអាចរារាំងការកើនឡើងនូវជាតិអាំងស៊ុយលីន និង ការផ្ទុកសារជាតិខ្លាញ់ក្នុងខ្លួនយើង។

៣. ប្រឆាំងនឹងជំងឺបេះដូង ៖
ជួយរក្សាឲ្យយើងស្ថិតនៅក្នុងស្ថានភាពប្រសើរមួយដែលអាចទប់ទល់នឹងការផ្លាស់ប្ដូរនៃសម្ពាធឈាម ដើម្បីធ្វើឲ្យបេះដូងយើងមានដំណើរការល្អ ហើយវាថែមទាំង អាចការពារនឹងការបង្កើតនៃការកកឈាមដែលជាមូលហេតុចម្បងនៃការគាំងបេះដូង។

៤. ជំនួយកោសិកាខួរក្បាល ៖
តែបៃតងបានការពារកោសិកាខួរក្បាលពីការស្លាប់និងស្ដារឡើងវិញនូវកោសិកាខួរក្បាលណាដែលខូចខាតឲ្យទៅជាប្រសើរឡើងវិញ។

៥. ព្យាបាលជំងឺធ្លាក់ទឹកចិត្ត ៖
Theanine គឺអាស៊ីដអាមីណូដែលបានរកឃើញនៅក្នុងស្លឹកតែ ដែលវាជាសារធាតុធ្វើឲ្យយើងមានអារម្មណ៍ធូរស្រាល ស្រស់ថ្លា និងអត្ថប្រយោជន៍ជាច្រើនទៀតចំពោះអ្នកផឹកតែនេះ។

រូបតំណាង

៦. ការពារជំងឺពុកធ្មេញ ៖
ការសិក្សាបានបង្ហាញថាសារធាតុមានក្នុងតែបៃតងអាចប្រឆាំងអុកស៊ីតកម្ម,សារធាតុគីមី, អាចបំផ្លាញបាក់តេរី, មេរោគដែលបង្កឲ្យមានការឆ្លងទៅបំពង់ក, ធ្មេញ និងមាត់។

៧. សម្រួលដល់សម្ពាធឈាម ៖
ការទទួលទានតែបៃតងត្រូវបានគេដឹងថាអាចកាត់បន្ថយហានិភ័យជំងឺសម្ពាធឈាមខ្ពស់។

៨. កាត់បន្ថយកូឡេស្តេរ៉ុល ៖
ជួយកាត់បន្ថយកូឡេស្តេរ៉ុលអាក្រក់ដែលមានក្នុងឈាម និងធ្វើឲ្យមានសមាមាត្រកូឡេស្តេរ៉ុលប្រសើរឡើង។

៩. ថែរក្សាស្បែក ៖
តែបៃតងអាចជួយបំបាត់ស្នាមជ្រីវជ្រួញ និងកោសិកាចាស់ៗដែលបណ្ដាលឲ្យអ្នកចាស់មុនអាយុ។ មិនតែប៉ុណ្ណោះវាជួយទប់ស្កាត់កម្ដៅថ្ងៃដែលធ្វើឲ្យស្បែកយើងខូចទៀតផង។

រូបតំណាង

១០. ប្រឆាំងមេរោគ និងបាក់តេរី ៖
តែបៃតងអាចសម្លាប់មេរោគ និងបាក់តេរីមានក្នុងខ្លួនយើង ហើយវាមានប្រសិទ្ធិភាពសម្រាប់ការព្យាបាលជំងឺឱកាសនិយមជាច្រើនទៀត។

១១. ទប់ស្កាត់ជំងឺមហារីកបំពង់អាហារ ៖
កាត់បន្ថយហានិភ័យជំងឺមហារីកបំពង់អាហារ ព្រោះសារជាតិដែលមាននៅក្នុងតែបៃតងអាចសម្លាប់កោសិកាមហារីកទូទៅក្នុងជាលិកាដែលធ្វើឲ្យជាលិកាយើងមានសុខភាពល្អ។

តោះ!ចាប់ផ្ដើមទទួលទានតែបៃតងឥលូវនេះទាំងអស់គ្នាដើម្បីសុខភាព និងសម្រស់យើង។

ប្រភព៖ kanha