ពិតអត់ដែលថា បរិភោគអាហារហឹរធ្វើឲ្យរមាស់គូទ?

ស្តាប់ទៅកំប្លែងណាស់មែនទេ? អាការៈរមាស់គូទនេះមិនមែនកើតឡើងតែចំពោះកូនក្មេងទេ មនុស្សពេញវ័យមួយចំនួនក៏ប្រហែលជាជួបបញ្ហានេះដែរ។ យោងទៅតាមការស្រាវជ្រាវរបស់វិទ្យាស្ថានជាតិសុខាភិបាលរបស់សហរដ្ឋអាមេរិក អាការៈរមាស់គូទគឺបណ្តាលមកពីកត្តាមួយចំនួនដូចខាងក្រោម៖

១. ការជូតសម្អាតញឹកញាប់៖
ការរមាស់នៅត្រង់តំបន់ក្បែររន្ធគូទ គឺបណ្តាលមកពីស្បែករបស់អ្នកមានប្រតិកម្មដោយសារការជូតសម្អាតញឹកញាប់ពេក។

២. បរិភោគហឹរពេក៖
ជាតិអាស៊ីដដែលបម្លែងមកពីអាហារហឹរ ធ្វើឲ្យអ្នកមានអារម្មណ៍ក្រហាយ ក្រោយពេលបន្ទោរបង់រួច ហើយបន្ទាប់មកវានឹងទៅជារមាស់។

៣. ជាតិសំណើមច្រើនពេក៖
បន្ទាប់ពីងូតទឹករួច ត្រូវយកកន្សែងស្អាតមកជូតឲ្យស្ងួតសិនដើម្បីជៀសវាងការរមាស់។ មិនតែប៉ុណ្ណោះ ជាតិសំណើមដែលបង្កមកពីការបែកញើសច្រើន ក៏អាចធ្វើឲ្យបញ្ហារមាស់នេះកើតឡើងដែរ៕